ທ່ານ ນາງ ສຸດາພອນ ຄົມທະວົງ ຮອງຫົວໜ້າພະແນກຖະແຫຼງຂ່າວ, ວັດ ທະນະທຳ ແລະ ທ່ອງທ່ຽວແຂວງ ໄດ້ກ່າວວ່າ: ຈຸດປະ ສົງຂອງການຝຶກອົບຮົມຄັ້ງນີ້ ແມ່ນເພື່ອເປັນການປັບປຸງ ແລະ ຍົກລະດັບຄວາມຮູ້, ຄວາມສາມາດ ດ້ານການບໍລິການ ການທ່ອງທ່ຽວ ໃຫ້ແກ່ເຈົ້າຂອງທຸລະກິດໂຮງແຮມ, ເຮືອນພັກ, ຮ້ານອາຫານ ຂະໜາດນ້ອຍ ແລະ ຂະໜາດ ກາງ ສາມາດບໍລິການ ການ ທ່ອງທ່ຽວ ໃຫ້ໄດ້ມາດຕະຖານ ແລະ ມີຄຸນນະພາບ ເທື່ອລະກ້າວ. ພ້ອມດຽວກັນນີ້ ກໍ່ເພື່ອເປັນການສະໜັບສະໜູນໃຫ້ແກ່ກົວໜ່ວຍທຸລະກິດ ການບໍລິການ ດ້ານການທ່ອງ ທ່ຽວ ໃຫ້ມີຄວາມເຂັ້ມແຂງ ແລະ ມີຄຸນນະພາບ ເພື່ອສ້າງຄວາມປະທັບໃຈໃຫ້ແກ່ນັກທ່ອງທ່ຽວທັງພາຍໃນ ແລະ ຕ່າງງປະເທດ ທີ່ເຂົ້າມາທ່ຽວຊົມຫຼວງພະບາງ, ພ້ອມທັງສ້າງໃຫ້ແຂວງຫຼວງພະບາງ ກາຍເປັນສູນກາງ ແລະ ກາຍເປັນຈຸດໝາຍປາຍທາງ ດ້ານການທ່ອງທ່ຽວ ໃນພາກພື້ນ ແລະ ສາກົນ. ຊຸດຝຶກອົບຮົມຄັ້ງນີ້ແມ່ນຈະດຳເນີນໄປເປັນເວລາ 2 ວັນຈຶ່ງຈະສຳເລັດ.
ຂ່າວ: ແຫຼ້ ສຸລິນພອນ
No comments:
Post a Comment