ອຸທານຫອນກ່ອນອອກພັນສາ

“ຢ່າມີຄວາມສຸກພຽງເທິງຕຽງ ຫລື ເຫັນຄຸນຄ່າທາງວັດຖຸ ແລ້ວຕັດສິນໃຈເອົາກັນ “
ຫລາຍໆຄູ່ຄົງຈະກຳລັງວູ້ນວາຍກັບການຫ້າງຫາຈັດກຽມງານ
ເຊິ່ງບາງຄູ່ ຈັດກໍເພື່ອເອົາຫນ້າຕາ ຖ້າຖານະດີກໍວ່າໄປຢ່າງ
ແຕ່ຖານະບໍ່ດີເຮັດເກີນໂຕ ກໍກັບກາຍເປັນຫນີ້ສິນ ບັນຫາກໍເລີ່ມ
ຕາມມາລຳຄວນຊີວິດຄູ່ ເພາະ " ຫນີ້ສິນ "

.ງານແຕ່ງບາງຄູ່ ເກີດຈາກກິເລດ
. ງານແຕ່ງບາງຄູ່ ເກີດຈາກ ຍາດແຍ່ງ
. ງານແຕ່ງບາງຄູ່ ເກີດຈາກການປະຊົດຊີວິດ

ງານແຕ່ງ ງານໃຫຍ່ ຫລື ງານນ້ອຍ ມັນບໍ່ໄດ້ຕອບໂຈດວ່າ ຄູ່ຊີວິດຈະຢູ່ລອດ ຫລື ຢູ່ບໍ່ລອດ

ຊີວິດຫລັງແຕ່ງງານຂອງຄົນສອງຄົນຄື ການເລີ່ມຕົ້ນ ຈາກ 0
ເປັນການເລີ່ມຕົ້ນຂອງຄອບຄົວໃຫມ່ ຫລື ມີຄອບຄົວໃຫມ່ເປັນຂອງໂຕເອງ , ຄົນສອງຄົນຕ້ອງໄດ້ປັບໂຕໃຫ້ຈູນເຂົ້າກັນ... ຈຸດນີ້ເປັນຈຸດທີ່ຈະຕັດສິນວ່າ ຊີວິດຄູ່ຈະຢູ່ລອດ ຫລື ບໍ່ລອດ , ມີຫລາຍໆຄູ່ທີ່ບໍ່ປະສົບຜົນສຳເລັດ ສັ້ນໆຍ້ອນ" ເຫັນແກ່ໂຕ "

. ບາງຄູ່ມີຄວາມສຸກຢູ່ພຽງເທິງຕຽງກໍເອີ້ນວ່າ "ຄວາມຮັກ“
. ບາງຄູ່ມີເງິນພາກັນໄປກິນອາຫານແຊບໆ ແລະ ມີເຄື່ອງງລາຄາແພງໃສ່ ກໍເອີ້ນວ່າ “ຄວາມຮັກ"
ສິ່ງເຫລົ່ານີ້ບໍ່ໄດ້ຕັດສິນວ່າຊີວິດຈະລາບລື່ນ

ຄວາມຮັກແມ່ນຫຍັງ ?

1 . ຄວາມເຂົ້າໃຈ ຫລື ຍອມຮັບຟັງເຊິ່ງກັນແລະກັນ ກໍຄື : ເປີດໃຈໃຫ້ກ້ວາງ ຍອມຮັບຟັງແນວຄິດຄົນອື່ນ ຢ່າຈົມປັກ ຫລື ຫມັ້ນໃຈວ່າ ຄວາມຄິດຂອງກູຖືກຕ້ອງທີ່ສຸດແລ້ວ ໃຫ້ເຂົ້າໃຈທັງເຫດຜົນຂອງເຈົ້າ ແລະ ເຂົ້າໃຈເຫດຜົນຂອງຂ້ອຍ

2 . ກຳລັງໃຈ ກໍຄື : ຍາມຜິດພາດ ຢ່າຢຽບຊ້ຳ ຕ້ອງຫາວິທີແກ້ໄຂ ບາງຄົນບໍ່ກ້າຮອດປຶກສາກັນ ເພາະຢ້ານຖືກຊ້ຳເຕີມ ຈາກຄົນຂ້າງໆ....ເວລາທໍ້ບໍ່ໄດ້ແດກເຂົ້າຫມົດມື້ ແຕ່ຄົນຂ້າງໆໃຫ້ກຳລັງໃຈ ຈັກ 2 _ 3 ປະໂຫຍກ ເທົ່ານັ້ນກໍອີ່ມປານໄດ້ກິນເຂົ້່າ 3 ຄາບ ມາຕໍ່ສູ້

3 . ການເຫັນອົກເຫັນໃຈ ແລະ ຊ່ວຍເຫລືອກັນ
ກໍຄື : ບາງຄົນກໍຈະຖືຄະຕິ ໂດຍລວມສ່ວນໃຫຍ່ຈະເປັນຜູ້ຊາຍ
ມີແນວຄິດແບ່ງແຍກສິ່ງທີ່ຄວນຈະເຮັດ ຫລື ບໍ່ຄວນຈະເຮັດ ຕາມຄວາມເຫມາະສົມ ລະຫວ່າງຍິງຊາຍ ເຊີ່ງບັນຫານີ້ ເປັນແຮງຜັກດັນທີ່ຜູ້ຍິງປະຈຸບັນຈະນັ່ງໆ ນອນໆ ຕີ່ຂາຂໍແຕ່ເງິນຜົວມາໃຊ້ບໍ່ໄດ້
ເພາະຍຸກນີ້ ມັນບໍ່ແມ່ນຍຸກເຈົ້າຟ້າງູ່ມ ທີ່ຜູ້ຍິງຕ້ອງມານັ່ງລ້ຽງລູກ
ເປັນແມ່ບ້ານສີເຮືອນຖ້າ ຜົວເລີກວຽກກັບບ້ານ

ປະຈຸບັນຄືຍຸກໄອທີ !!!! ຕ້ອງຊ່ວຍກັນທຳມາຫາກິນ ທັງເລື່ອງຫາເງິນ ແລະ ວຽກຢູ່ໃນບ້ານ , ເຮືອນຕ້ອງເຊົ່າລົດຕ້ອງດາວ, ຍຸກສັງຄົມທີ່ພົບຫນ້າກັນລະຕ້ອງຈົກເງິນແຊ !
ເພາະສະນັ້ນມີຫຍັງຕ້ອງເຂົາໃຈ ! ເຫັນໃຈ ! ຊ່ວຍເຫລືອ ແລະ
ໃຫ້ກຳລັງໃຈກັນ !