ເຈັບທັງໂຕ ເຈັບທັງໃຈ! 8 ສິ່ງທີ່ຈະເກີດຂື້ນກັບຮ່າງກາຍ ເມື່ອເວລາອົກຫັກ

1. ເຈັບປວດທາງຮ່າງກາຍ:

ຕອນທີ່ອົກຫັກເຮົາຈະຮູ້ສຶກວ່າໂຕເອງເຫມືອນຄົນບໍ່ສະບາຍທຸກຢ່າງມັນເລວລ້າຍໄປຫມົດ ຫມໍທີ່ປະເທດອາເມລິກາບອກວ່າ ຫລັງຈາກທີ່ເຮົາຮູ້ສຶກເຈັບປວດກັບຄວາມຮັກ ຮ່າງກາຍຂອງເຮົາຈະໄດ້ຮັບຜົນກະທົບໄປພ້ອມ ໂດຍເຮົາຈະຮູ້ສຶກເຈັບປວດກ້າມເນື້ອເປັນບາງສ່ວນ ສ່ວນໃຫ່ຍທີ່ເຈັບຈະເປັນຂາ ແລະ ແຂນ ບໍ່ມີຢາຫຍັງຮັກສາໄດ້ ນອກຈາກເວລາ ຫລັງຈາກທີ່ຄວາມເຄັ່ງຄຽດ ແລະ ປັນຫາຄີ້ຄາຍເຮົາກໍ່ຈະຮູ້ສຶກຄ່ອຍໆດີຂື້ນ

2. ປ່ອຍໂຕ:

ຈິດໃຈບໍ່ດີ ມັນກໍ່ຄືກັນກັບຊ່ວງເວລາທີ່ເຮົາຕ້ອງດູແລໂຕເອງເຮັດທຸກຢ່າງທີ່ຈະໃຫ້ໂຕເອງສະບາຍໃຈ ອັນໃດທີ່ເປັນຄວາມສຸກ ແລະ ເຮັດແລ້ວບໍ່ເດືອດຮ້ອ3. ນໍ້າຫນັກຫລຸດ:

ເຄີຍໄດ້ຍິນປະໂຫຍດທີ່ວ່່າ ຄິດຫລາຍຈົນກິນເຂົ້າກິນປາບໍ່ໄດ້ ນີ້ແຫລະອາຫານຂອງຄົນອົກຫັກ ກໍ່ມັນເສົ້າ ບໍ່ມີອາລົມຈະມາກິນອິຫຍັງປານໃດ ຍິ່ງເສົ້າເທົ່າໃດກໍ່ຍິ່ງກິນຫນ້ອຍເທົ່ານັ້ນ ພໍກິນຫນ້ອຍແລ້ວ ນໍ້າຫນັກກໍ່ລົດລົງ ສໍາລັບຜູ້ໃດທີ່ຢາກຈະຈ່ອຍກໍ່ຖືວ່າເຮັດພາລະກິດສໍາເລັດແລ້ວ 555 ແຕ່ກໍ່ພະຍາຍາມກິນແດ່ກໍ່ດີ ເພາະຈ່ອຍເກີນໄປກໍ່ບໍ່ດີຕໍ່ສຸຂະພາບປານໃດນຄົນອື່ນ ກໍ່ເຮັດໄປໂລດເຊັ່ນ: ກິນອາຫານແຊບໆ ບໍ່ຕ້ອງແປກໃຈດອກທີ່ຄົນອົກຫັກສ່ວນໃຫ່ຍຈະຕຸ້ຍຂື້ນ

4. ເຄັ່ງຄຽດຄິດຫລາຍ:

ອັນນີ້ມັນເປັນເລື້ອງປົກະຕິຢູ່ແລ້ວ ມີໃຜແດ່ທີ່ເລີກກັບແຟນແລ້ວມານັ່ງດີໃຈແດ່ ໃຜກໍ່ຕ້ອງເຄັ່ງຄຽດ ຕ້ອງເສຍໃຈກັນທັງນັ້ນແຫລະ ຊັ້ນກະເສຍໃຈໃຫ້ມັນພໍ ຢາກຮ້ອງໃຫ້ສໍ່າໃດກໍ່ໄດ້ ຢາກເຄັ່ງຄຽດສໍ່າໃດກໍ່ເຮັດໄປໂລດ ເຮັດໃຫ້ມັນຈົບພາຍໃນມື້ດຽວ ມື້ຕໍ່ໆໄປເຮົາຈະໄດ້ບໍ່ຕ້ອງຮູ້ສຶກອັນໃດອີກ ເລີ່ມຕົ້ນໃຫມ່ກັບຫົນທາງໃຫມ່ໆ ມີຊີວິດທີ່ສົດໃດກວ່າເກົ່າ

5. ສີວຂື້ນ:

ມັນເປັນຜົນຈາກຄວາມເຄັ່ງຄຽດ ຮໍໂມນຂອງເຮົາກໍ່ເລີຍພຸ້ງດຸດັນຂື້ນມາ ທັງອາລົມໃບຫນ້າ ຜີວພັນ ທຸກຢ່າງໃນຮ່າງກາຍກໍາລັງປ່ຽນໄປ ຖາມວ່າເມື່ອໃດຈະຫາຍ ກໍ່ຈົນກວ່າເຮົາຈະຫາຍເຄັ່ງຄຽດນັ້ນແຫລະ ບອກແລ້ວວ່າອົກຫັກບໍ່ແມ່ນພຽງແຕ່ຈິດໃຈພັງຢ່າງດຽວ ຮ່າງກາຍກໍ່ພັງອີກດ້ວຍ

6. ເຮັດສິ່ງເດີມໆ:

 ໂທໄປປຸກຖາມໄຖ່ ບອກຝັນດີ ເຮັດຄືຕອນທີ່ຍັງຄົບກັນຢູ່ ບໍ່ຕ້ອງຮູ້ສຶກສົມເພດໂຕເອງດອກ ເຂົ້າໃຈຢູ່ວ່າບາງທີການປ່ຽນແປງມັນກໍ່ໄວເກີນກວ່າທີ່ເຮົາຈະຕັ້ງຮັບ ແຕ່ກໍ່ຢ່າລືມຢໍ້າໂຕເອງໃຫ້ຢູ່ກັບປະຈຸບັນ ມັນບໍ່ດີດອກທີ່ຄອຍແຕ່ມົກມຸ້ນຢູ່ໃນອາດີດ ເພາະມັນຈະເຮັດໃຫ້ເຮົາບໍ່ສາມາດກ້າວໄປຂ້າງຫນ້າໄດ້ເລີຍ ທາງທີ່ດີເຮົາຄວນຍອມຮັບຄວາມຈິງແລ້ວສູ້ກັບມັນດີກວ່າ

7. ຊຶມເສົ້າ:

ມັນເປັນອາການຂອງຄົນຜິດປົກະຕິຂອງຄົນອົກຫັກ ເຮົາບໍ່ຢາກທີ່ຈະເຮັດອັນໃດທັງນັ້ນ ຢາກແຕ່ນອນຢູ່ຢ່າງດຽວ ປ່ອຍຄວາມຄິດໃຫ້ເປັນອິດສະລະ ຫລື ກໍ່ຟັງແຕ່ເພງອົກຫັກໃຫ້ມັນຕອກຢໍ້າຢູ່ແນວນັ້ນ ຊ່ວງນີ້ມັນເປັນຊ່ວງຂອງການປົດປ່ອຍຄວາມເສົ້າ ເຊື່ອໂລດວ່າເຮັດແບບນີ້ຈັກໄລຍະຫນຶ່ງເຮົາຈະຮູ້ສຶກດີຂື້ນ ເມື່ອໃຈໃຫ້ໄດ້ປົດປ່ອຍຄວາມເສົ້າຄວາມອ່ອນແອ ອອກມາຈົນຫມົດ ແລ້ວເຮົາກໍ່ຈະກັບມາແຂງແຮງເຫມືອນເດີມ

8. ໂລ່ງໃຈ:

ບໍ່ແມ່ນວ່າການອົກຫັກມັນມີແຕ່ເລື້ອງເລວລ້າຍໄປຫມົດທຸກເລື້ອງ ມັນມີສອງດ້ານສະເຫມີແຫລະ ຢ່າງນ້ອຍເຮົາກໍ່ຕ້ອງຮູ້ສຶກໂລ່ງໃຈແດ່ ເພາະເຮົາໄດ້ຄໍາຕອບແລ້ວວ່າທຸກຢ່າງມັນຈົົບແລ້ວ ເຖິງມັນຈະເຈັບແຕ່ເຮົາກໍ່ບໍ່ຕ້ອງພະຍາຍາມອັນໃດອີກ ພໍເທົ່ານີ້ຫລັງຈາກນັ້ນປ່ອຍທຸກຢ່າງໃຫ້ເປັນໄປຕາມວິທີທາງຂອງມັນ ແລະ ເຊື່ອວ່າຫລັງຈາກນີ້ເຮົາຈະມີແຕ່ຄວາມສະບາຍໃຈ