ບໍລິຄຳໄຊຢຶດໄດ້ປືນເຖື່ອນ 2 ພັນກວ່າກະບອກ

ເພື່ອເຮັດໃຫ້ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍ ສືບຕໍ່ມີສະຖຽນລະພາບທາງດ້ານການເມືອງ ແຂວງບໍລິຄຳໄຊໄດ້ເອົາໃຈໃສ່ແກ້ໄຂບັນຫາ 4 ເຖື່ອນຢ່າງຈິງຈັງ ໂດຍສະເພາະວຽກງານແກ້ໄຂອາວຸດເຖືອນ ເຮັດໃຫ້ໃນໄລຍະທີ່ຜ່ານມາສາມາດເກັບກູອາວຸດເສີກ, ອາວຸດລ່າເນື້ອ, ທາດລະເບີດ ແລະ ເຄື່ອງຕ້ອງຫ້າມຕ່າງໆ ທີ່ຜິດຕໍ່ລະບຽບກົດໝາຍ ທ່ານ ພັນເອກ ຈວງຈັນ ລາດຊະວົງ ຄະນະປະຈຳພັກແຂວງ, ຫົວໜ້າການເມືອງທະຫານແຂວງ ລາຍງານໃນກອງປະຊຸມເປີດກວ້າງຄົບຄະນະບໍລິຫານງານພັກແຂວງ ຄັ້ງທີ 7 ສະໄໝທີ VI ທີ່ໄດ້ໄຂຂື້ນໃນວັນທີ 10 ຕຸລາທີ່ຜ່ານມາ.

ໂດຍປະຕິບັດຕາມຄຳສັງແຈ້ງການເລກທີ 794/ກສນ, ລົງວັນທີ 6 ກັນຍາ 2010 ຂອງກົມໃຫ່ຍເສນາທິການກອງທັບ ແລະ ຂໍ້ຕົກລົງເລກທີ 04, ລົງວັນທີ 24 ພຶດສະພາ 2011 ຂອງປະທານ ປກຊ-ປກສ ວ່າດ້ວຍການລົງເກັບກູ້ອາວຸດເຖື່ອນຢູ່ແຂວງບໍລິຄຳໄຊ, ກອງບັນຊາການທະຫານແຂວງພວກເຮົາໄດ້ເອົາໃຈໃສ່ຊີ້ນຳບັນດາກອງບັນຊາການເມືອງ ພາກສ່ວນກ່ຽວຂ້ອງຂອງເມືອງ ເພື່ອຄົ້ນຄວ້າແຕ່ງຕັ້ງຄະນະຮັບຜິດຊອບຂັ້ນເມືອງລົງເກັບກູ້ຕົວຈິງ, ສົມທົບກັບອຳນາດການປົກຄອງບ້ານຄົ້ນຄວ້າສັງລວມຂື້ນບັນຊີເປົ້າໝາຍພາກສ່ວນທີ່ຖືອາວຸດເສີກ, ອາວຸດລ່າເນື້ອ, ທາດລະເບີດ ແລະ ເຄື່ອງຕ້ອງຫ້າມຕ່າງໆ ນອກນັ້ນຍັງໄດ້ເປີດກອງປະຊຸມຮຽກເອີ້ນພໍ່ແມ່ປະຊາຊົນອາຍຸແຕ່ 15 ຂື້ນໄປ ຮັບຟັງບັນດາຄຳສັ່ງ ແລະ ກົດໝາຍ ກ່ຽວກັບການຫ້າມພະລິດ, ການຄຸ້ມຄອງ, ການນຳໃຊ້, ການຊື້-ຂາຍອາວຸດເສິກໂດຍບໍ່ຖືກຕ້ອງ ແລະ ເອການສານອື່ນໆທີ່ກ່ຽວພັນກັບບັນຫາດັ່ງກ່າວ.

ຜ່ານການຈັດຕັ້ງປະຕິບັດສາມາດສະຫຼຸບໄດ້ຄື: ສາມາດເກັບກູ້ອາວຸດເສີກ ໄດ້ 294 ກະບອກ, ອາວຸດລ່າເນື້ອ 2.109 ກະບອກ, ປືນກິລາ 5 ກະບອກ, ປືນລູກອັດ 4 ກະບອກ, ປືນລົມ 1 ກະບອກ, ລູກປືນ 50​ ລູກ, ໝໍ້ຊອດ 376 ໜ່ວຍ, ໝໍ້ດູດປາ 3 ໝໍ້ ແລະ ຈັກສະຕີ່ນ 3 ເຄື່ອງ, ອີງຕາມ ກົດໝາຍປ້ອງກັນຊາດປ້ອງຊາດປ້ອງຄວາມສະຫງົບແ້ລວ ແມ່ນຫາ້ມບຸກຄົນ ແລະ ນິຕິບຸກຄົນ ມີອາວຸເສິກ ແລະ ອາວຸດລ່າເນື້ອໄວ້ໃນຄອບຄອງຢ່າງ່ເດັດຂາດ ຍົກເວັ້ນແຕ່ການຈັດຕັ້ງອະນຸຍາດ ດັ່ງນັ້ນ, ເຈົ້າໜ້າທີ່ ແລະ ພາກສ່ວນກ່ຽວຂ້ອງຈື່ງໄດ້ຮີບໂຮມອາວຸດດັ່ງກ່າວບໍ່ໃຫ້ຢູ່ໃນຄອບຄອງຈາກບຸກຄົນທີ່ບໍ່ໄດ້ຮັບ
ອະນຸຍາດ.
ສຳລັບມາດຕະການປະຕິບັດຕໍ່ຜູ້ທີ່ມີອາວຸດເຖື່ອນໄວ້ຄອບຄອງ ທ່ານ ພັນເອກ ຈວງຈັນ ລາດຊະວົງ ຍັງໄດ້ຮູ້ຕື່ມອີກວ່າ: ຈະໄດ້ແຈ້ງໃຫ້ເປົ້າໝາຍລາຍຊື່ຜູ້ທີ່ມີອາວຸດເຖື່ອນໄວ້ໃນຄອບຄອງຮັບຮູ້ ແລະ ນຳເອົາອາວຸດມາສົ່ງໃຫ້ຄະນະເກັບກູ້ ກຳນົດບໍ່ໃຫ້ກາຍ 2 ວັນ, ຖ້າກາຍ 2 ວັນຈະໄດ້ແຈ້ງເຊີນນຳຕົວຜູ້ກ່ຽວໃຫ້ເຈົ້າໜ້າທີສືບສວນ-ສອບສວນຕາມຫຼັກການວິຊາສະເພາະ, ຕໍ່ຜູ້ມີຂໍ້ມູນຄົບຖ້ວນ ແຕ່ຜູ້ກ່ຽວບໍ່ຍອມສົ່ງ ກໍ່ຈະໄດ້ນຳຕົວຜູ້ກ່ຽວສືບສວນ-ສອບສວນດຳເນີນຕາມລະບຽບກົດໝາຍ ແລະ ຕໍ່ກັບຜູ້ມີຂໍ້ມູນບໍ່ຮັດກຸມ, ຫຼັກຖານພິຍານບໍ່ພຽງພໍ ແລະ ຜູ້ກ່ຽວປະຕິເສດບໍ່ຍອມສົ່ງ ແມ່ນຈະໄດ້ເຮັດບົດບັນທຶກມອບໃຫ້ອຳນາດການປົກຄອງສືບຕໍ່ຕິດຕາມຕໍ່ໄປ.

ທີ່ມາຂ່າວບໍລິຄຳໄຊ