12/10/2017ທີ່ຜ່ານມາ ເຈົ້າຫນ້າທີ່ຫນ້າແຂວງວຽງຈັນພວມໄລ່ລາໂຈນອັບປີ ພາຍຫລັງໃຊ້ອຸບາຍທໍາລາຍຊັບສິນຂອງລັດດ້ວຍວິທີໃຊ້ອຸບາຍແກະຕົວອັກສອນ ແລະ ສະຫລະອອກຈາກປ້າຍຫ້າມຖິ້ມຂີ້ເຫຍື່ອອອກເພື່ອໃຫ້ປ່ຽນເປັນຄວາມຫມາຍລາມົກ ແລະ ຜິດຕໍ່ລະບຽບ.
ເມື່ອເວົ້າເຖິງສະຖານທີ່ທ່ອງທ່ຽວທາງທຳມະຊາດຢູ່ແຂວງວຽງຈັນແລ້ວ ແນ່ນອນວ່າເຂື່ອນໄຟຟ້ານໍ້າງື່ມ1, ເມືອງແກ້ວອຸດົມ ກໍ່ເປັນສະຖານທີ່ທ່ອງທ່ຽວທາງທຳມະຊາດທີ່ມີຄົນຮູຈັກບໍ່ຫລາຍກໍ່ໜ້ອຍ, ເຊິ່ງເປັນສະຖານທີ່ພັກຜ່ອນຕາກອາກາດ ທີ່ມີຄົນໃຫ້ຄວາມສົນໃຈຫລາຍ, ໂດຍມີນັກທ່ອງທ່ຽວທ່ອງຖິ່ນ ແລະ ຕ່າງຖິ່ນ, ລວມໄປເຖິ່ງນັກທ່ອງທ່ຽວຈາກຕ່າງປະເທດ ກໍ່ໃຊ້ສະຖານທີ່ແຫ່ງນີ້ເປັນບ່ອນພັກຜ່ອນ, ຢຽມຊົມທຳມະຊາດ ແລະ ເຂື່ອນ, ພາຍຫຼັງໄດ້ມີການປັບປຸງຫຼາຍດ້ານເພື່ອຕ້ອນຮັບນັກທ່ອງທ່ຽວທີ່ເຂົ້າມາທ່ຽວຢູ່ເຂື່ອນນໍ້າງື່ມ1 ແນ່ນອນການອອກຂໍ້ຫ້າມ ແລະ ກົດລະບຽບຕ່າງໆເພື່ອຄວາມປອດໄພຂອງຜູ້ເຂົ້າມາທ່ອງທ່ຽວ ທາງເຂື່ອນໄດ້ເຮັດປ້າຍຂໍ້ຫ້າມຕ່າງໆຕິດຕາມບ່ອນຕ່າງໆ ແຕ່ມີນັກທ່ອງທ່ຽວບາງກຸ່ມ ໄດ້ທຳລາຍຊັບສິນ ( ແກະໜັງສືປ້າຍຫ້າມ ) ດັ່ງກ່າວ ໃຫ້ມີຄວາມໝາຍເປັນອື່ນ ແລ້ວຖ່າຍຮູບ, ຈົນເປັນກະແສວິພາກວິຈານໃນທາງທີ່ເສື່ອມເສຍ ດ້ານຊັບສິນ ແລະ ຊື່ສຽງໃຫ້ແກ່ຝ່າຍຜູ້ຮັບຜິດຊອບ.
ສະນັ້ນ ທາງເຈົ້າໜ້າທີ່ວິຊາການຜູ້ຮັບຜິດຊອບເຂດດັ່ງກ່າວ ຈຶ່ງໄດ້ຂໍແຈ້ງຜ່ານແຂວງວຽງຈັນອອນລາຍມາຍັງຜູ້ທີ່ເອົາຂໍ້ມູນລົງສັງຄົມອອນລາຍ ເຟັສບຸກ ແຟນເພັຈ ( Facebook Fan page ) ຫຼື ບຸກຄົນທີ່ກະຈາຍໂພສເຫຼົ່ານີ້ ຂໍໃຫ້ລຶບ ແລະ ຢຸດກະຈາຍຂໍ້ມູນເຫຼົ່ານີ້ ຍ້ອນມັນສ້າງຄວາມເສື່ອມເສຍດ້ານພາບລັກ ແລະ ດ້ານຕ່າງໆໃຫ້ກັບຜູ້ຮັບຜິດຊອບສະຖານທີ່ທ່ອງທ່ຽວເຂດນີ້.
ແລະ ເພື່ອເປັນການປ້ອງກັນບັນຫາດັ່ງກ່າວບໍ່ໃຫ້ເກີດຂື້ນອີກ ທາງເຈົ້າໜ້າທີ່ຈະລົງໂທດຕາມກົດໝາຍບ້ານເມືອງ ຖ້າຫາກພົບເຫັນຜູ້ທີ່ທຳລາຍຊັບສິນສາທາລະນະດັ່ງກ່າວ.
ແລະ ຂໍຮຽກຮ້ອງມາຍັງນັກທ່ອງທ່ຽວທີ່ເຂົ້າມາທ່ອງທ່ຽວໃນເຂດເຂື່ອນໄຟຟ້ານໍ້າງື່ມ1 ຈົ່ງພ້ອມກັນຮັກສາຄວາມເປັນ ແລະ ລະບຽບຮຽບຮ້ອຍຊ່ວຍກັນ ເພື່ອຄວາມສະອາດງາມຕາມຂອງສະຖານທີ່ທ່ອງທ່ຽວແຫ່ງນີ້ ແລະ ໃຫ້ຍືນຍົງຕະຫຼອດໄປ.
ແລະ ເພື່ອເປັນການປ້ອງກັນບັນຫາດັ່ງກ່າວບໍ່ໃຫ້ເກີດຂື້ນອີກ ທາງເຈົ້າໜ້າທີ່ຈະລົງໂທດຕາມກົດໝາຍບ້ານເມືອງ ຖ້າຫາກພົບເຫັນຜູ້ທີ່ທຳລາຍຊັບສິນສາທາລະນະດັ່ງກ່າວ.
ແລະ ຂໍຮຽກຮ້ອງມາຍັງນັກທ່ອງທ່ຽວທີ່ເຂົ້າມາທ່ອງທ່ຽວໃນເຂດເຂື່ອນໄຟຟ້ານໍ້າງື່ມ1 ຈົ່ງພ້ອມກັນຮັກສາຄວາມເປັນ ແລະ ລະບຽບຮຽບຮ້ອຍຊ່ວຍກັນ ເພື່ອຄວາມສະອາດງາມຕາມຂອງສະຖານທີ່ທ່ອງທ່ຽວແຫ່ງນີ້ ແລະ ໃຫ້ຍືນຍົງຕະຫຼອດໄປ.
ທີ່ມາ ຈົດໝາຍຂ່າວ
No comments:
Post a Comment