ກອງທັບຣັດເຊຍໃຊ້ເວລາ 11 ວັນຖະຫຼົ່ມກຸ່ມໄອເອັສຕາຍກວ່າ 2 ພັນລາຍ, ທຳລາຍເປົ້າໝາຍເກືອບ 70 ແຫ່ງ

ສຳນັກຂ່າວ RT ລາຍງານ ກອງທັບຣັດເຊຍໃຊ້ເວລາ 11 ວັນຖະຫຼົ່ມກຸ່ມໄອເອັສຕາຍກວ່າ 2 ພັນລາຍ, ທຳລາຍເປົ້າໝາຍເກືອບ 70 ແຫ່ງ
ຂ່າວຈາກຕ່າງປະເທດລາຍງານໃນວັນທີ1 ຕຸລາ 2017 ຜ່ານມາວ່າ: ກອງໂຈມຕີທາງອາກາດຂອງຣັດເຊຍໃນຊີເຣຍໄດ້ດຳເນີນການທຳລາຍກຸ່ມໄອເອັສມາແຕ່ວັນທີ 19-29 ກັນຍາ ເຮັດໃຫ້ມີຜູ້ເສຍຊີວິດ 2.359 ຄົນ ແລະອີກ 2.700 ຄົນໄດ້ຮັບບາດເຈັບ, ສ່ວນຝ່າຍຣັດເຊຍເອງມີທະຫານຜູ້ບັນຊາການພາກສະໜາມເສຍຊີສິດ 16 ຄົນ.
ກຸ່ມກໍ່ການຮ້າຍໄອເອັສໄດ້ຮັບຄວາມເສຍຫາຍຮ້າຍແຮງທີ່ສຸດໃນຫຼາຍເດືອນທີ່ຜ່ານມາ ເນື່ອງຈາກການປະຕິບັດການທີ່ມີປະສິດທິພາບຂອງກຳລັງທະຫານຣັດເຊຍ ຕາມຂໍ້ມູນຈາກກະຊວງປ້ອງກັນປະເທດຂອງຣັດເຊຍໃຫ້ຮູ້ວ່າ: ໃນຕະຫຼອດ 11 ວັນຜ່ານມາເຄື່ອງບິນຂອງກອງທັບຣັດເຊຍໄດ້ທຳລາຍກຳລັງຕິດອາວຸດໄດ້ທັງໝົດ 67 ແຫ່ງ, ມີອາວຸດຍຸດໂທປະກອນ 51 ຄັນ, ລົດຖັງ 27 ຄັນ, ລົດບັນທຸກຈະລວດ 21 ຄັນ ແລະພາຫະນະພິເສດກວ່າ 200 ກວ່າຊຶ່ງເປັນຂອງກຸ່ມໄອເອັສ.

ໃນວັນທີ 30 ກັນຍາຜ່ານມານີ້ຖືເປັນວັນຄົບຮອບ 2 ປີທີ່ກອງທັບຣັດເຊຍໄດ້ເຂົ້າໄປມີສ່ວນຮ່ວມໃນ ຄວາມຂັດແຍ້ງຂອງຊີເຣຍຕາມຄຳຮ້ອງຂໍຂອງປະທານາທິບໍດີ ບາສຊາ ອັນ ອັດຊາດ ຕໍ່ປະທານາທິບໍດີວາລາດີເມຍ ປູຕີນ ຂອງຣັດເຊຍ ຊຶ່ງຂະນະນີ້ມີການປະເມີນວ່າກອງກຳລັງ

ຂອງລັດຖະບານໄດ້ຄວບຄຸມການຄອງດິນແດນຂອງປະເທດໄດ້ເຖິງ 87% ແລ້ວ.