ລົດໄຟລາວ-ຈີນມີຄ່າໂດຍສານ,ຄ່າຂົນສົ່ງສິນຄ້າທໍ່ໃດ?..?..?

ຈາກຂໍ້ມູນຄາດຄະເນ ການບໍລິຫານ ແລະ ລາຍລະອຽດຂອງນັກວິຊາການ, ຊ່ຽວຊານຈາກອາຊຽນ ແລະ ສປ ຈີນເປີດເຜີຍໃນວັນທີ 29/09/2017 ນີ້ໃຫ້ຮູວ່າ: ການຄຸ້ມຄອງການບໍລິການດ້ານຂົນສົ່ງຜູ້ໂດຍສານຂອງໂຄງການລົດໄຟສປປລາວ-ຈີນ ເຊິ່ງກຳນົດໃຫ້ມີທັງໝົດ 33 ສະຖານີ, ແຕ່ຈະເປີດນຳໃຊ້ໃນໄລຍະຕົ້ນ 21 ສະຖານີ ແລະ ໄດ້ອອກແບບການແລ່ນລົດເບື້ອງຕົ້ນໄດ້ 23 ຖ້ຽວຕໍ່ມື້, ແຕ່ຫາກແລ້ວສຳເລັດທັງໝົດແມ່ນສາມາດເພີ່ມເປັນ 39 ຖ້ຽວຕໍ່ມື້, ສ່ວນອັດຕາຄ່າໂດຍສານ ແຕ່ນະຄອນຫຼວງວຽຈັນ-ບໍ່ເຕັນສະເລ່ຍປະມານ 140.000 ກີບຕໍ່ຄົນ, ທຽບໃສ່ຄ່າຂົນສົ່ງທາງລົດແມ່ນຖືກກວ່າຫຼາຍເທົ່າ ແລະ ມີໄລຍະເວລາການເດືນທາງສັ້ນກວ່າ, ຄ່າຂົນສົ່ງສິນຄ້າປະມານ 6.000 ກີບຕໍ່ໂຕນ, ການບໍລິການສ່ວນໃຫຍ່ຈະເປັນຕອນກາງເວັນ ສ່ວນກາງຄືນແມ່ນຂົນສົ່ງສິນຄ້າ. ຢ່າງໃດກໍຕາມ ການບໍລິການໂດຍສານ ແລະ ສິນຄ້າຈະຕ້ອງອິງໃສ່ແຜນຄວາມຕ້ອງການຕົວຈິງໃນແຕ່ລະໄລຍະ

ສຳລັບມາດຕະຖານເຕັກນິກຕົ້ນຕໍປະເພດລົດໄຟຊັ້ນ1 ມີຄວາມກ້ວາງຂອງລາງ 1.435 ມີລີແມັດ ເປັນມາດຕະຖານສາກົນ, ເປັນລະບົບທາງດ່ຽວ, ສຳລັບລົດໄຟໂດຍສານສາມາດແລ່ນໄດ້ຄວາມໄວ 160-200 ກິໂລແມັດຕໍ່ຊົ່ວໂມງ, ສ່ວນຂົນສົ່ງສິນຄ້າແລ່ນດ້ວຍຄວາມໄວ 120 ກິໂລແມັດຕໍ່ຊົ່ວໂມງ ເຊຶ່ງໃຊ້ໄຟຟ້າເປັນພະລັງງານແລ່ນລົດໄຟ, ຂະໜາດຮັບນ້ຳໜັກຂະບວນຕູ້ລົດໄຟ 3.000 ໂຕນ ໂດຍໄລຍະເວລາໂຄງການກໍ່ສ້າງເສັ້ນທາງລົດໄຟລາວຈີນ 05 ປີໃຫ້ສຳເລັດຫຼືປະມານປີ 2022.