ສານຕັດສິນປະຫານຊີວິດ”ອາດີດປະທານປີໂຕຣຫວຽດນາມ’ໂທດຖານ”ສໍ້ໂກງ”

ສານຫວຽດນາມມີຄໍາພິພາກສາລົງໂທດປະຫານຊີວິດອະດີດປະທານບໍລິສັດພະລັງງານ ປີໂຕຣຫວຽດນາມຂອງລັດຖະບານ ຈາກຄວາມຜິດຖານຄໍຣ໌ຣັບຊັ່ນ ໃນຄະດີທີ່ຮ່ວມກັບເຈົ້າໜ້າທີ່ລັດ ນັກທະນາຄານແລະນັກທຸລະກິດ51ຄົນ ສ້າງຄວາມເສຍຫາຍໃຫ້ແກ່ລັດຄິດເປັນມູນຄ່າ 69 ລ້ານໂດລ່າສະຫະລັດ

ສໍານັກຂ່າວເອພີ ຣອຍເຕີແລະເອເອຟພີ ລາຍງານຈາກກຸງຮາໂນ່ຍ ປະເທດຫວຽດນາມ ໃນວັນທີ່ 29 ກັນຍາທີ່ຜ່ານມາວ່າ ສານປະຊາຊົນຮາໂນ່ຍພິພາກສາໃຫ້ປະຫານຊີວິດ ຫວຽນ ຊວນ ຊອນ ອາດີດປະທານບໍລິສັດປີໂຕຫວຽດນາມ າກຄວາມຜິດຖານສໍ້ໂກງຈໍານວນເງິນເທົ່າກັບ 2,15 ລ້ານໂດລ່າສະຫະລັດ ແລະໃຊ້ອໍານາດໜ້າທີ່ໂດຍບໍ່ເປັນທໍາ ນໍາເງິນຈາກທະນາຄານໂອຊຽນມາໃຊ້ສ່ວນຕົວຈໍານວນເທົ່າກັບ 8,7 ລ້ານໂດລ່າ

ຄະດີນີ້ຂອງ ທ້າວ ຮາ ວານ ຖໍາ ອະດີດປະທານທະນາຄານໂອຊຽນ ທີ່ຄັ້ງໜຶ່ງເຄີຍຕິດອັນດັບເສດຖີທີ່ລໍ່າລວຍທີ່ສຸດຂອງຫວຽດນາມ ຖືກສານຕັດສິນຈໍາຄຸກຕະຫຼອດຊີວິດ ຈາກຂໍ້ຫາທຸດຈະລິດຫຼາຍຢ່າງ ລວມເຖິງອະນຸມັດປ່ອຍເງິນກູ້ຢ່າງຜິດກົດໝາຍຈໍານວນ 23 ລ້ານໂດລ່າສະຫະລັດໃນປີ 2012

ຈາກຂໍ້ມູນປະເທດຫວຽດນາມເປັນປະເທດໜື່ງທີ່ມີການປະຫານຊີວິດນັກໂທດຫຼາຍທີ່ສຸດໃນໂລກ ແຕ່ໃນຊ່ວງຫຼາຍປີທີ່ຜ່ານມາໄກ້ປ່ຽນວິທີການປະຫານ ຈາກຍິງເປົ້າດ້ວຍປືນເປັນການສັກສານພິດເຂົ້າສູ່ຮ່າງກາຍ