ໄຟຟ້າລາວ ໄດ້ລົງນາມໃນພິທີເຊັນສັນຍາ ການຊື້-ຂາຍ ພະລັງງານໄຟຟ້າຈາກ ປະເທດລາວ ໄປ ປະເທດມາເລເຊຍ

ໃນວັນທີ 27/09/2017ທີ່ຜ່ານມາ ນີ້, ທ່ານ ບຸນອູ້ມ ສີວັນເພັງ ຜູ້ອຳນວຍການໃຫຍ່ ລັດວິສາຫະກິດໄຟຟ້າລາວ ໄດ້ລົງນາມໃນພິທີເຊັນສັນຍາ ການຊື້-ຂາຍ ພະລັງງານໄຟຟ້າຈາກ ປະເທດລາວ ໄປ ປະເທດມາເລເຊຍ ຈຳນວນ 100ເມກາວັດ. ຊຶ່ງໄດ້ຈັດຂື້ນຢ່າງເປັນທາງການ ຢູ່ປະເທດຟີລິປິນ ໃນກອງປະຊຸມລັດຖະມົນຕີພະລັງງານ ASEAN ຄັ້ງທີ 35. ແລະ ຈະເລີ່ມສົ່ງພະລັງງານໄຟຟ້າເປັນທາງການ ໃນວັນທີ 01/01/2018 ທີ່ຈະມາເຖິງນີ້. ເຊິ່ງການຂາຍພະລັງງານໄຟຟ້າໄປປະເທດມາເລເຊຍຄັ້ງນີ້ຖືໄດ້ວ່າເປັນບາດກ້າວສຳຄັນຂອງຕະຫລາດພະລັງງານຂອງປະເທດລາວສູ່ອາຊຽນ.