ໂຕໂຍຕ້າມີແຜນການ ຈັດຄອນເສີດການກຸສົນ ຢູ່ ວຽງຈັນ ແລະ ພາກພື້ນ

ຂປລ. ປີນີ້ເປັນອີກປີໜຶ່ງ ທີ່ໂຕໂຍຕ້າ ຈະຈັດສະແດງທົວຄອນເສີດການກຸສົນທົ່ວພາກພື້ນເອເຊຍຕໍ່ເນື່ອງເປັນປີທີ 28 ແລະ ເປັນປີທີ 3 ຢູ່ ສປປ ລາວ, ​ເຊິ່ງຈະຈັດຂຶ້ນ ໃນຕອນ​ຄ່ຳ​ຂອງວັນທີ 24 ຕຸລາ 2017 ທີ່ຫໍວັດທະນາທຳແຫ່ງຊາດ ນະຄອນຫລວງວຽງຈັນ. ການສະແດງໃນຄັ້ງນີ້ ຈະໄດ້ຮ່ວມມືກັບວົງດຸລິຍາງ ທີ່ມີຊື່ສຽງດັງລະດັບໂລກ (ວົງສຸລິຍາງຣໍໂຢ້ ຟິວຮາໂມນິກ ຄອນເສີດ), ພາຍໃຕ້ການອຳນວຍເພງຂອງ ແອນໂຮນີ່ ວີເດັນ ແລະ ນັກດ່ຽວໄວໂອລີນ ເດວິດຈູຣີສ ເຊິ່ງລາຍການເພງ ໃນປີນີ້ ເຕັມໄປດ້ວຍຄວາມເພີດເພີນທີ່​ໜ້າ​ສົນ​ໃຈ ​ແລະ ​ໂລ​ແມນຕິກ.

ໂຕໂຍຕ້າ ຄາສສິກ ຈະຈັດການສະແດງຄອນເສີດໃນທົ່ວພາກພື້ນເອເຊຍ 6 ປະເທດ ໄດ້ແກ່: ບູຣໄນ, ກໍາປູເຈຍ, ລາວ, ມາເລເຊຍ, ໄທ ແລະ ຫວຽດນາມ. ນັບແຕ່ປີ 1990 ໂຕໂຢຕ້າ ໄດ້ເລີ່ມຈັດການສະແດງຄອນເສີດ ການກຸສົນໂຕໂຍຕ້າຄາສສິກ ແລະ ໄດ້ລະດົມທຶນເພື່ອການກຸສົນ ຈົນເຖິງມື້ນີ້ ເປັນຈຳນວນເງິນ 9 ລ້ານໂດລາສະຫະລັດ ເພື່ອສະໜັບສະໜູນອົງກອນການກຸສົນ ທົ່ວພາກພື້ນເອເຊຍ.

ສຳລັບຄອນເສີດການກຸສົນໂຕໂຍຕ້າ ຄາສສິກ ຢູ່ ສປປ ລາວ ແມ່ນເພງທີ່ຂຽນຂຶ້ນ ເພື່ອສະແດງ ທີ່ໂຮງອຸປະກອນລະຄອນເວທີງານພິເສດຕ່າງໆ ເຊັ່ນ: ດົນຕີໃນນ້ຳຂອງຮານເດລ ຕາມພະສົງຂອງພະເຈົ້າ ຈອດທີ 1 ເພື່ອສະແດງເທິງເຮືອບັນທຸກ​ໃນຂະນະທີ່ລ່ອງ ຢູ່ນ້ຳເຮມສ ແລະ ຊາລຸທ ເດອາເມີຂອງເອລການ ເຊິ່ງເປັນຂອງຂວັນໃຫ້ແກ່ຄູ່ໜັ້ນຂອງຕົນເອງ. ຍິ່ງໄປກວ່ານັ້ນ ທ່ານ ຈະໄດ້ຮັບຟັງບົດເພງອຳມະຕະຂອງ ລາວ ທີ່ຮຽບຮຽງຂຶ້ນເປັນພິເສດ ສຳລັບການສະແດງໃນຄັ້ງ​ນີ້.

ຄອນເສີດການກຸສົນໂຕໂຍຕ້າຄາສສິກ ເປັນອີກໜຶ່ງໃນ 200 ໂຄງການ ທີ່ສະແດງຄວາມຮັບຜິດ ຊອບຕໍ່ສັງຄົມຂອງໂຕໂຍຕ້າ ໃນພາກພື້ນເອເຊຍ. ຜ່ານການສ້າງຄວາມບັນເທີງໃຫ້ແກ້ຜູ້ຊົມທຸກເພດທຸກໄວ ແລະ ລະດົມທຶນສຳ ລັບອົງກອນການກຸສົນທ້ອງຖີ່ນ ເພື່ອສະໜັບສະໜູນນັກດົນຕີລຸ້ນເຍົາວະຊົນ ຜ່ານການສະແດງ ແລະ ມາດສເຕີຄາສ ສອນໂດຍນັກດົນຕີໂຕໂຍຕ້າຄາສສິກ ຕາມຄຳຂວັນຂອງເຮົາວ່າ “ດົນຕີຂັບ ເຄື່ອນຊີວິດ” ເຮົາຕັ້ງໃຈທີ່ຈະເຂົ້າໄປ ໃຫ້ເຖິງຈິດໃຈຂອງຄົນທັງໃນ ແລະ ນອກເວທີການສະແດງຄອນເສີດ.

ທ່ານສາມາດຕິດຕໍ່ຊື້ບັດ​ເຂົ້າ​ຊົມ ໄດ້ທີ່ຕົວແທນຈຳໜ່າຍໂຕໂຍຕ້າ ຢ່າງເປັນທາງການໃນສປປ ລາວ ທົ່ວປະເທດ ຫລື ຫ້ອງການຜູ້ຕາງໜ້າ ບໍລິສັດ ໂຕໂຍຕ້າ ມໍເຕີ ປະເທດໄທ ຈຳກັດ ​ໂທ 021-220030.

ຂ່າວ:ຣາຊະ​ວົງ