ທ່ານ ທອງລຸນ ສີສຸລິດ ນາຍົກລັດຖະມົນຕີ ຈະເດີນທາງໄປຢ້ຽມຢາມປະເທດຣັດເຊຍໃນວັນທີ 25 ກັນຍານີ້

ອີງຕາມແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ໄດ້ລະບຸວ່າ ໂດຍຕອບສະໜອງຕາມຄຳເຊີນຂອງທ່ານ ເດິມີຕຣີ ເມດເວດເດບ ນາຍົກລັດຖະມົນຕີແຫ່ງສະຫະພັນຣັດເຊຍ ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ພ້ອມຄະນະ ຈະເດີນທາງຢ້ຽມຢາມສະຫະພັນຣັດເຊຍຢ່າງເປັນທາງການ ແຕ່ວັນທີ 25-28 ກັນຍາ 2017 ເພື່ອເສີມຂະຫຍາຍສາຍພົວພັນມິດຕະພາບ ທີ່ເປັນມູນເຊື້ອ ແລະ ການຮ່ວມມືທີ່ມີມາແຕ່ຍາວນານ ລະຫວ່າງສອງປະເທດ.