ໄຟໄໝ້ປ່າໃນລັດ ຄາລິຟໍເນຍ ແມ່ນນຶ່ງໃນເຫດການ ໄຟໄໝ້ປ່າ ທີ່ຮ້າຍແຮງທີ່ສຸດ ໃນປະຫວັດສາດ ຂອງລັດ

ນັກດັບເພີງ ຈູດໄຟເຜົາບໍລິເວນນຶ່ງ ເພື່ອພະຍາຍາມສະກັດກັ້ນ ການລຸກລາມຂອງໄຟ ຈາກຖະໜົນ ແຊນຕ້າ ອານາ ໃກ້ກັບ ເມືອງ ເວັນຕູຣາ, ລັດຄາລິຟໍເນຍ. 9 ທັນວາ, 2017

ບັນດາເຈົ້າໜ້າທີ່ດັບເພີງໃນລັດ ຄາລິຟໍເນຍ ທີ່ຕັ້ງຢູ່ພາກຕາເວັນຕົກຂອງ ສະຫະລັດ
ກຳລັງເລັງໃສ່ຄວາມພະຍາຍາມດັບໄຟປ່າ ຢູ່ພາກຕາເວັນຕົກສຽງເໜືອຂອງນະ
ຄອນ ລອສ໌ ແອນເຈີລິສ໌ ທີ່ໄດ້ເປັນນຶ່ງໃນເຂດຖືກທຳລາຍຫຼາຍທີ່ສຸດ ໃນປະຫວັດສາດ
ຂອງລັດແລ້ວ.

ໄຟປ່າ ທັອມມັສ ໄດ້ເຜົາໄໝ້ພື້ນທີ່ 930 ຕາລາງກິໂລແມັດ ແລະ ໄດ້ທຳລາຍອາຄານ
ຕ່າງໆ 800 ຫຼັງໃນເມືອງ ຊານຕ້າ ບາບາຣາ ນັບຕັ້ງແຕ່ມັນໄດ້ເລີ່ມຂຶ້ນເມື່ອນຶ່ງສັບປະ
ດາທີ່ຜ່່ານມາ. ບັນດາເຈົ້າໜ້າທີ່ກ່າວວ່າ ແປວໄຟແມ່ນຖືກຄວບຄຸມໄດ້ພຽງ 10 ເປີເຊັນ
ເທົ່ານັ້ນ, ແລະ ໃນຂະນະທີ່ບັນດານັກດັບເພີງບາງຄົນ ໄດ້ປະສົບຄວາມສຳເລັດໃນ
ການປາບມັນ ທາງອາກາດນັ້ນ, ມັນກໍຍັງຄົງເປັນໄຟອັນຕະລາຍຢູ່ ເຊິ່ງສາມາດແຜ່
ລາມໄປຢ່າງວ່ອງໄວດ້ວຍລົມທີ່ພັດແຮງ.

ເຈົ້າໜ້າທີ່ດັບເພີງ ລັດຄາລິຟໍເນຍ ໄດ້ກ່າວໃນການກອງປະຊຸມລາຍງານໃນຕອນແລງ
ວັນຈັນມື້ນີ້ວ່າ ເນື້ອທີ່ 160 ກິໂລແມັດ ທາງພາກຕາເວັນຕົກສຽງເໜືອຂອງນະຄອນ
ລອສ໌ ແອນເຈີລິສ໌ ແມ່ນ “ບ່ອນທີ່ຍາກທີ່ສຸດທີ່ຈະມອດໄຟ.” ທ່ານໄດ້ກ່າວວ່າ ໃນຄັ້ງທີ່
ຜ່ານມາ ທີ່ບໍລິເວນດຽວກັນ ໄດ້ຖືກເຜົາໄໝ້ໃນໄຟປ່ານັ້ນແມ່ນປີ 1964, ສະນັ້ນເຊື້ອ
ໄຟຢູ່ທີ່ນັ້ນແມ່ນດົນກວ່າ 50 ປີແລ້ວ.

ເຮືອບິນລຳນຶ່ງໂຮຍສານເຄມີດັບເພີງ ໃນຂະນະທີ່ບັນດານັກດັບເພີງຖືຄວາມໄດ້ປຽບຈາກຍາມທີ່ລົບບໍ່ພັດແຮງ ເພື່ອມອບໄຟ ລີແລັກ, ເຊິ່ງເປັນໄຟປ່າທີ່ເຄື່ອນທີ່ຢ່າງວ່ອງໄວ ໃນເມືອງ ບອນຊໍ, ລັດຄາລິຟໍເນຍ. 8 ທັນວາ 2017.

ເຈົ້າໜ້າທີ່ຫຼາຍກວ່າ 5,700 ຄົນໄດ້ເຂົ້າຮ່ວມໃນການພະຍາຍາມມອດໄຟ ທັອມມັສ,
ເຊິ່ງແມ່ນນຶ່ງໃນບ່ອນທີ່ຖືກໄຟໄໝ້ຫຼາຍແຫ່ງໃນພາກໃຕ້ຂອງລັດຄາລິຟໍເນຍ.

ແຕ່ບັນດາລູກທີມ ໄດ້ທຳຄວາມກ້າວໜ້າທີ່ສຳຄັນ ໃນການຄວບຄຸມໄຟແຫ່ງອື່ນໆເຊິ່ງ
ມີຂະໜາດນ້ອຍກວ່າຫຼາຍ.

ໄຟໄໝ້ ໄດ້ບັງຄັບປະຊາຊົນຫຼາຍກວ່າ 200,000 ຄົນຕ້ອງອົບພະຍົບ ອອກຈາກບ້ານ
ເຮືອນຂອງເຂົາເຈົ້າ. ຕົວເລກດັ່ງກ່າວ ໄດ້ເພີ່ມຂຶ້ນຕື່ມໃນວັນອາທິດວານນີ້ ດ້ວຍການ
ອົບພະຍົບຂອງປະຊາຊົນ ຫຼາຍກວ່າເກົ່າໃນເມືອງ ແຊນຕ້າ ບາບາຣາ ໃນຂະນະທີ່ໄຟ
ທີ່ໃຫຍ່ທີ່ສຸດໃນພາກພື້ນໄດ້ລາມໄປພາກຕາເວັນຕົກ. ບັນດາເຈົ້າໜ້າທີ່ໄດ້ແຈກຢາຍ
ໜ້າກາກ ເພື່ອຊ່ວຍປ້ອງກັນປະຊາຊົນຈາກການສູບດົມເອົາຄວັນ, ແລະ ໂຮງຮຽນ
ຫຼາຍແຫ່ງແມ່ນໄດ້ຖືກອັດໄວ້.

ປະທານາທິບໍດີ ດໍໂນລ ທຣຳ ໄດ້ສະແດງປະຕິກິລິຍາຕອບໂຕ້ຕໍ່ໄຟໃນວັນສຸກທີ່ຜ່ານ
ມາ ດ້ວຍການອອກຖະແຫຼງການລັດຖະບານກາງ ກ່ຽວກັບ ສະຖານະການສຸກເສີນ
ສຳລັບລັດ ຄາລິຟໍເນຍ, ເປີດທາງໃຫ້ອົງການລັດຖະບານກາງຕ່າງໆ ຊ່ວຍປະສານ
ຄວາມພະຍາຍາມບັນເທົາທຸກ.

VOA

ພວກແມ່ຍິງ ໂຣຮິງຢາ ເລົ່າເຖິງ ການຖືກ ຂົ່ມຂືນ ຢ່າງ 'ກວ້າງຂວາງ' ແລະ 'ມີແບບແຜນ'

ພວກແມ່ຍິງ ໂຣຮິງຢາ ມຸສລິມພ້ອມດ້ວຍລູກເຕົ້າຂອງພວກ ເຂົາເຈົ້າ ຜູ້ທີ່ໄດ້ຂ້າມໜີອອກມາຈາກມຽນມາ ເຂົ້າໄປໃນ ປະເທດບັງກລາແດັສ, ຄອຍຖ້າການເດີນທາງມາເຖິງ ຂອງ ພະລາຊີນີ ຣາເນຍ ຂອງຈໍແດນ ຢູ່ທີ່ສູນອົບພະຍົບ ກູຕູປາລອງ ໃນປະເທດບັງກລາແດັສ, ວັນທີ 23 ຕຸລາ 2017.

ການຂົ່ມຂືນ ພວກແມ່ຍິງຊາວໂຣຮິງຢາ ໂດຍກຳລັງຮັກສາຄວາມປອດໄພ ຂອງມຽນມາ
ໄດ້ເກີດຂຶ້ນ ຢ່າງ “ກວ້າງຂວາງ” ແລະ ຢ່າງ “ມີແບບແຜນ” ອີງຕາມລາຍງານ ໂດຍ
ອົງການຂ່າວ ເອພີ.

ອົງກ່ານຂ່າວນີ້ ກ່າວວ່າ “ເຫດການທີ່ເປັນຕາໜ່າຍຄ້າຍຄືກັນ” ໄດ້ກ່າວອອກມາ
ຈາກການສຳພາດຂອງພວກແມ່ຍິງ ແລະເດັກຍິງ ທີ່ມີອາຍຸ ຕັ້ງແຕ່ ລະຫວ່າງ 13 ຫາ
35 ປີ ຜູ້ທີ່ໄດ້ຫລົບໜີ ໄປປະເທດບັງກລາແດັສ ຈາກມຽນມາ.

ທ່ານນາງ ຄຣິສໂຕລ ແວນ ລີອູເວນ ເຈົ້າໜ້າທີ່ຂອງ ອົງການທ່ານໝໍໄຮ້ພົມແດນ ກ່າວ
ວ່າ “ເລື່ອງລາວຕ່າງໆ ທີ່ພວກເຂົາເຈົ້າໄດ້ເລົ່າສູ່ພວກເຮົາຟັງ ແລະ ບໍ່ພຽງແຕ່
ພວກຜູ້ເຄາະຮ້າຍເອງ ແຕ່ວ່າ ພວກຄົນອື່ນໆ ກໍເລົ່າໃຫ້ພວກເຮົາຟັງ ກ່ຽວກັບ
ການເຫັນເຫດການ ຂອງການທຳຮ້າຍທາງເພດ ຢູ່ໃນມຽນມາ ເຊິ່ງໄດ້ເຮັດໃຫ້
ພວກເຮົາຮູ້ສຶກວ່າ ພວກເຮົາພຽງໄດ້ຮັບຮູ້ແຕ່ສ່ວນນ້ອຍໆຂອງພວກຜູ້ເຄາະຮ້າຍ
ເທົ່ານັ້ນ.”

ປ. ທຣຳ ສັນຍາໃນ 'ຖະແຫລງການ ຄັ້ງສຳຄັນ' ກ່ຽວກັບ ການຄ້າ ຫຼັງຈາກການຢ້ຽມຢາມ ເອເຊຍ

ນາຍົກລັດຖະມົນຕີ ຂອງຍີ່ປຸ່ນ ທ່ານ Shinzo Abe, ຊ້າຍ, ປະທານາທິບໍດີ ສະຫະລັດ ທ່ານ Donald Trump ແລະ ນາຍົກລັດຖະມົນຕີ ຂອງອອສເຕຣເລຍ ທ່ານ Malcolm Turnbull ເຂົ້າຮ່ວມກອງປະຊຸມ ສາມຝ່າຍ ໃນລະຫວ່າງ ພິທີ ເປີດ ກອງປະຊຸມສຸດຍອດ ສະມາຄົມ ບັນດາປະເທດ ໃນເຂດເອເຊຍຕາເວັນອອກສຽງໃຕ້ ຄັ້ງທີ 31 ຫຼື ອາຊຽນ (ASEAN) ໃນນະຄອນຫຼວງມານີລາ ຂອງປະເທດຟີລິບປິນ ເມື່ອວັນທີ 13 ພະຈິກ 2017.

ແທນທີ່ຈະເປັນສອງກໍເລີຍໄດ້ກາຍມາເປັນການພົບປະ ລະຫວ່າງຜູ້ນຳສາມທ່ານ ໃນ
ຂະນະທີ່ ກຳນົດຂອງກອງປະຊຸມ ໃນຕອນເຊົ້າວັນຈັນຜ່ານມານີ້ ລະຫວ່າງ ປະທານາທິບໍດີ
ສະຫະລັດ ທ່ານດໍໂນລ ທຣຳ ກັບ ນາຍົກລັດຖະມົນຕີ ຂອງອອສເຕຣເລຍ ທ່ານ
Malcom Turnbull ໄດ້ຖືກຂະຫຍາຍອອກໃຫ້ປະກອບມີ ນາຍົກລັດຖະມົນຕີ ຂອງ
ຍີ່ປຸ່ນ ທ່ານ Shinzo Abe ນຳດ້ວຍ.

ການປ່ຽນແປງດັ່ງກ່າວ ເນັ້ນໜັກເຖິງ ສາຍພົວພັນສາມຝ່າຍ ທີ່ກ່ຽວຂ້ອງກັບຄວາມ
ໝັ້ນຄົງຂອງຂົງເຂດ ທີ່ກຳລັງເພີ່ມຂຶ້ນເລື້ອຍໆ ໂດຍສະເພາະ ແມ່ນເລື່ອງທີ່ກ່ຽວພັນ
ກັບວິທີຮັບມືກັບ ອາວຸດນິວເຄລຍ ແລະໂຄງການລູກສອນໄຟຂີປະນາວຸດ ຂອງເກົາຫຼີ
ເໜືອ ພ້ອມກັນກັບ ການຕອບໂຕ້ ຕໍ່ການອ້າງເອົາເຂດນ້ຳແດນດິນ ໃນທະເລຈີນໃຕ້
ຢ່າງຕໍ່ເນື່ອງຂອງຈີນ ນຳດ້ວຍ.

“ຂໍ້ສຳຄັນສຳລັບພວກເຮົາ ແມ່ນຕ້ອງຮັບປະກັນວ່າ ການຮ່ວມມືສາມຝ່າຍ ຈະໃກ້ຊິດ
ກັນທີ່ສຸດ ເພື່ອທີ່ຈະນຳມາ ເຊິ່ງສັນຕິພາບ ແລະ ສະຖຽນລະພາບ ຢູ່ໃນພາກພື້ນ” ນັ້ນ
ແມ່ນຄຳເວົ້າຂອງຜູ້ນຳຂອງຍີ່ປຸ່ນ ຜູ້ທີ່ໄດ້ສະແດງອອກເຖິງ ຄວາມສາມະຄີກັບທ່ານທຣຳ
ໃນການຕໍ່ຕ້ານເກົາຫຼີເໜືອ.

ສ່ວນທ່ານ Turnbull ກໍໄດ້ກ່າວວ່າ “ພວກເຮົາມີຄຸນນະທຳ ແລະມີຈຸດເພັ່ງເລັງ ທີ່ຄ້າຍ
ຄືກັນ ໃນເລື່ອງຂອງການຮັບປະກັນວ່າ ລະບອບການປົກຄອງຂອງເກົາຫຼີເໜືອ ຈະ
ສຳນຶກຕົນໄດ້ ແລະ ຍຸຕິ ການເກາະຜິດທີ່ບໍ່ມີເຫດຜົນຂອງຕົນ ແລະ ຍຸຕິການຂົ່ມຂູ່
ກໍ່ຄວາມຂັດແຍ້ງ ຢູ່ໃນຂົງເຂດຂອງພວກເຮົາ. ສັນຕິພາບ ແລະ ສະຖຽນລະພາບ ໄດ້ສະໜັບສະໜູນຄວາມຈະເລີນຮຸ່ງເຮືອງ ໃຫ້ແກ່ປະຊາຊົນຫຼາຍພັນລ້ານຄົນມາໄດ້
ຫຼາຍທົດສະວັດ ແລ້ວ ແລະ ພວກເຮົາຈະທຳງານຮ່ວມກັນເພື່ອຮັບປະກັນວ່າ ພວກ
ເຮົາຈະຮັກສາມັນໄວ້.”

ການຊ້ອມລົບທາງທະເລຂະໜາດໃຫຍ່ ທີ່ກ່ຽວພັນ ກັບ ກຸ່ມກຳປັ່ນໂຈມຕີ ທີ່ປະກອບດ້ວຍ
ກໍາປັ່ນບັນທຸກເຮືອບິນ 3 ລຳ ກຳລັງເລີ່ມຕົ້ນຂຶ້ນຢູ່ໃນເຂດຕາເວັນຕົກ ຂອງມະຫາສະໝຸດ
ປາຊີຟິກ ໃນການສະແດງອອກ ເຖິງແສນຍານຸພາບ ຂອງກອງທັບເຮືອສະຫະລັດ.

ກຳປັ່ນໂຈມຕີ ແລະ ກຳປັ່ນທັນທຸກເຮືອບິນ ຂອງກອງທັບເຮືອສະຫະລັດ ໄດ້ເຂົ້າຮ່ວມ
ໂດຍພາກສ່ວນຂອງກອງທັບເຮືອເກົາຫຼີໃຕ້ ແລະ ກຳລັງປ້ອງກັນໂຕ ທາງທະເລ ຂອງ
ຍີ່ປຸ່ນ ໃນການຊ້ອມລົບດັ່ງກ່າວ.

ປະທານາທິບໍດີ ສະຫະລັດ ທານດໍໂນລ ທຣຳ ໂອ້ລົມ ກັບ ປະທານາທິບໍດີ ຂອງຟີລິບປິນ ທ່ານ ຣອດຣີໂກ ດູເຕີເຕ ໃນລະຫວ່າງ ງານລ້ຽງອາຫານຄ່ຳ ທີ່ເປັນຂີດໝາຍ ການຄົບຮອບ 50 ປີ ຂອງສະມາຄົມ ບັນດາປະເທດ ໃນເຂດເອເຊຍຕາເວັນອອກສຽງໃຕ້ ຫຼື ASEAN ຢູ່ໃນນະຄອນຫຼວງ ມານີລາ ຂອງຟີລິບປິນ, ວັນທີ 12 ພະຈິກ 2017.

ທ່ານທຣຳ ກ່າວວ່າ ທ່ານຈະທຳການ “ກ່າວຖະແຫລງທີ່ສຳຄັນ” ກ່ຽວກັບເກົາຫຼີເໜືອ
ແລະ ການຄ້າ ໃນເວລາ ທ່ານກັບຄືນມາຍັງວໍຊິງຕັນ ຫຼັງຈາກການເດີນທາງຢ້ຽມຢາມ 5
ປະເທດໃນເອເຊຍ ເປັນເວລາ 12 ວັນ.

“ພວກເຮົາ ໄດ້ທຳຄວາມກ້າວໜ້າຢ່າງຫຼວງຫຼາຍ ໃນເລື່ອງຂອງການຄ້າ” ທ່ານທຣຳໄດ້
ກ່າວ ກ່ອນການເລີ່ມຕົ້ນກອງປະຊຸມ ກັບທ່ານ Turnbull ແລະ ທ່ານ Abe ຢູ່ນອກກອງ
ປະຊຸມ ສຸດຍອດ ກຸ່ມສະມາຄົມບັນດາປະເທດໃນເອເຊຍຕາເວັນອອກສຽງໃຕ້ ແລະ
ໄດ້ກ່າວຕື່ມອີກວ່າ ການເດີນທາງມາເອເຊຍ ຂອງທ່ານນັ້ນ ໄດ້ສ້າງທຶນມູນຄ່າ 300 ຕື້
ໂດລາ “ໃນການຄ້າຂາຍ ກັບບໍລິສັດຕ່າງໆ ທີ່ລວມທັງປະເທດຈີນ.” ເຖິງຢ່າງໃດກໍຕາມ
ທ່ານບໍ່ໄດ້ໃຫ້ລາຍລະອຽດໃດໆ ກ່ຽວກັບການປະກາດດັ່ງກ່າວທີ່ຈະມີຂຶ້ນນັ້ນ.

ແຫຼ່ງຂ່າວ VOA

ເກີດແຜ່ນດິນໄຫວ ຮ້າຍແຮງ ຢູ່ເຂດຊາຍແດນ ອີຣ່ານ-ອີຣັກ

ແຜ່ນດິນໄຫວທີ່ໄດ້ເກີດຂຶ້ນຕາມເຂດຊາຍແດນ ອີຣັກ ກັບ ອີຣ່ານ ໃນວັນອາທິດຜ່ານມານີ້
ໄດ້ເຮັດໃຫ້ປະຊາຊົນຫຼາຍກວ່າ 300 ຄົນເສຍຊີວິດ ແລະ ບາດເຈັບ 2,500 ຄົນ.

ສື່ມວນຊົນລັດຖະບານ ອີຣ່ານ ໄດ້ລາຍງານໃນວັນຈັນມືນີ້ວ່າ ປະຊາຊົນ 328 ຄົນໄດ້
ເສຍຊີວິດຢູ່ບ່ອນດັ່ງກ່າວ, ພ້ອມດ້ວຍຜູ້ເຄາະຮ້າຍສ່ວນໃຫຍ່ແມ່ນຢູ່ໃນເມືອງ ຊາປໍລ
ອີ-ຊາຮາບ ແຂວງ ເຄີມານຊາ.

ບັນດານັກກູ້ໄພ ແລະ ກຸ່ມບັນເທົາທຸກ ໄດ້ເຮັດວຽກຂ້າມຄືນຮອດວັນຈັນມື້ນີ້ ເພື່ອພະ
ຍາຍາມ ທີ່ຈະຊ່ວຍເຫຼືອຜູ້ທີ່ໄດ້ຮັບຜົນກະທົບ.

ອົງການສຳຫຼວດທໍລະນີວິທະຍາ ສະຫະລັດ ກ່າວວ່າ ແຜ່ນດິນໄຫວມີຄວາມແຮງ 7.3
ໂດຍມີຈຸດສູນກາງສັ່ນສະເທືອນຢູ່ເມືອງ ຮາລັບຈາ ໃນພາກພື້ນ ເຄີດິສຖານ ຂອງ ອີຣັກ.

ນາຍົກລັດຖະມົນຕີ ອີຣັກ ທ່ານ ໄຮເດີ ອາລ-ອາບາດີ ກ່າວວ່າ ທ່ານໄດ້ສັ່ງອົງການສາ
ທາລະນະສຸກ ແລະ ອົງການຊ່ວຍເຫຼືອຕ່າງໆ ໃຫ້ເຮັດທຸກຢ່າງ ທີ່ເຂົາເຈົ້າຈະສາມາດ
ເຮັດໄດ້ ເພື່ອສະໜອງການຊ່ວຍເຫຼືອ.

ທ່ານໄດ້ຂຽນໃນ Twitter ວ່າ “ພວກເຮົາຈະເຮັດທຸກຢ່າງທີ່ສາມາດເຮັດໄດ້ ເພື່ອຊ່ວຍ
ເຫຼືອເຂົາເຈົ້າ. ຂໍອວຍພອນໃຫ້ປະຊາຊົນຂອງພວກເຮົາທຸກຄົນຈົ່ງມີຄວາມປອດໄພ.”

ແຜ່ນດິນໄຫວລະດັບຕໍ່າກວ່າຫຼາຍຄັ້ງ ໄດ້ເກີດຂຶ້ນຕາມຫຼັງແຜ່ນດິນໄຫວໃຫຍ່ຄັ້ງທຳອິດ
ເຮັດໃຫ້ປະຊາຊົນຕ້ອງຫຼົບໜີອອກຈາກບ້ານຂອງເຂົາເຈົ້າໄປ ໃນຄໍ່າຄືນທີ່ຜ່ານມາ.

ແຜ່ນດິນໄຫວດັ່ງກ່າວໄດ້ເຮັດໃຫ້ໄຟມອດ ແລະ ຕັດການບໍລິການໂທລະສັບໃນຫຼາຍ
ເມືອງຂອງ ອີຣ່ານ ແລະ ອີຣັກ, ເຮັດໃຫ້ການປະຕິບັດການກູ້ໄພລຳບາດຂຶ້ນກວ່າເກົ່າ.

ປະເທດ ອີຣັກ ຕັ້ງຢູ່ເສັ້ນຮອຍເລື່ອນໃຫຍ່ຂອງໂລກຫຼາຍເສັ້ນ ແລະ ເຄີຍປະສົບກັບ
ແຜ່ນດິນໄຫວຮ້າຍແຮງຫຼາຍຄັ້ງມາແລ້ວໃນອະດີດ. ແຜ່ນດິນໄຫວປີ 2003 ໃນເມືອງ
ແບມ ທີ່ຕັ້ງຢູ່ພາກໃຕ້ຂອງປະເທດໄດ້ເຮັດໃຫ້ປະຊາຊົນຢ່າງໜ້ອຍ 26,000 ຄົນເສຍ
ຊີວິດ, ໃນຂະນະທີ່ປີ 2012 ແຜ່ນດິນໄຫວໃນແຂວງ ອາເຊີໄບຈານ ຕາເວັນອອກຂອງ
ອີຣ່ານ ກໍໄດ້ສັງຫານຫຼາຍກວ່າ 300 ຄົນ.

ແຫຼ່ງຂ່າວ VOA

ບັນດາຜູ້ນຳ ຂົງເຂດ ອາຊຽນ ຈະຍົກພາບພົດ ທີ່ຜິດປົກກະຕິ ໃນຄັ້ງນຶ່ງ ຂອງ ປ. ຟີລິບປິນ ຂຶ້ນມາ

ປະທານາທິບໍດີ ສະຫະລັດ ທ່ານດໍໂນລ ທຣຳ ໂອ້ລົມ ກັບ ປະທານາທິບໍດີ ຂອງຟີລິບປິນ ທ່ານ ຣອດຣີໂກ ດູເຕີເຕ ໃນລະຫວ່າງ ງານລ້ຽງອາຫານຄ່ຳ ທີ່ເປັນຂີດໝາຍ ວັນຄົບຮອບ 50 ປີ ຂອງສະມາຄົມ ບັນດາປະເທດ ໃນເຂດເອເຊຍຕາເວັນອອກສຽງໃຕ້ ຫຼື ASEAN ຢູ່ໃນນະຄອນຫຼວງ ມານີລາ ຂອງຟີລິບປິນ, ວັນທີ 12 ພະຈິກ 2017.

ເມື່ອຫາກໍ 14 ເດືອນຜ່ານມານີ້ ປະທານາທິບໍດີ ຟີລິບປິນ ທ່ານ Rodrigo Duterte
ໄດ້ເອີ້ນອະດີດປະທານາທິບໍດີ ສະຫະລັດ ທ່ານບາຣັກ ໂອບາມາ ວ່າ “ລູກແມ່ຈ້າງ”
ໂດຍທີ່ໄດ້ກະຕຸ້ນໃຫ້ ທ່ານໂອບາມາ ຫລີກເວັ້ນການພົບປະກັບ ຄູ່ຕຳແໜ່ງຂອງທ່ານ
ຈາກປະເທດຟີລິບປິນ ຢູ່ທີ່ກອງປະຊຸມ ສະມາຄົມບັນດາປະເທດ ໃນເອເຊຍ ຕາເວັນ
ອອກສຽງໃຕ້ ຫຼື ASEAN ຢູ່ໃນ ສປປ ລາວ.

ແຕ່ມາບັດນີ້ ເວລາໄດ້ປ່ຽນແປງໄປແລ້ວ.

ມາບັດນີ້ ສະມາຄົມດັ່ງກ່າວ ທີ່ຮູ້ຈັກກັນດີ ຄື ອາຊຽນ ແມ່ນກຳລັງຈັດກອງປະຊຸມ ຢູ່ໃນ
ນະຄອນຫຼວງມານີລາ ແລະ ທ່ານ Duterte ແມ່ນເປັນຜູ້ປົກຄອງປະເທດ. ທ່ານໄດ້
ພົບປະກັບ ທ່ານດໍໂນລ ທຣຳ ປະທານາທິບໍດີ ສະຫະລັດ ຄົນປັດຈຸບັນ ສອງຄັ້ງຢ່າງເປັນ
ພິທີການໄປແລ້ວ ຢູ່ນະທີ່ນີ້ ແລະ ຈະສືບຕໍ່ຈັດກອງປະຊຸມ ກັບທ່ານຕື່ມອີກ ໃນວັນຈັນมาນີ້.

ປະທານາທິບໍດີ ຟີລິບປິນ ທ່ານ Rodrigo Duterte ຕັ້ງທ່າພ້ອມກັນກັບ ບັນດາຜູ້ນຳ ໃນກຸ່ມອາຊຽນ ແລະ ຄູ່ຕຳແໜ່ງຂອງທ່ານ ໃນຂົງເຂດ ລວມທັງ ປະທານາທິບໍດີ ດໍໂນລ ທຣຳ, ໃນລະຫວ່າງການຖ່າບຮູບກ່ອນໜ້າ ງານລ້ຽງພິເສດ ເພື່ອສະເຫຼີມສະຫຼອງວັນຄົບຮອບ 50 ປີ ຂອງອາຊຽນ ໃນນະຄອນຫຼວງມານີລາ ຂອງຟີລິບປິນ, ວັນທີ 12 ພະຈິກ 2017

ການມີບົດບາດເປັນປະທານ ຂອງທ່ານ Duterte ໃນສະມາຄົມດັ່ງກ່າວ ພ້ອມກັນກັບ
ການເດີນທາງຢ້ຽມຢາມ ປະເທດໃນເອເຊຍ ຢ່າງເປັນທາງການ ໃນໄລຍະ 6 ເດືອນ
ທີ່ທ່ານໄດ້ດຳລົງຕຳແໜ່ງມາ ກໍໄດ້ຊ່ອຍເຮັດໃຫ້ຄຸນລັກສະນະຂອງທ່ານນັ້ນ ປັບປຸງດີຂຶ້ນ
ໂດຍເຮັດໃຫ້ທ່ານ ໄດ້ຮັບການນັບຖືຄືນໃໝ່ ອີງຕາມການກ່າວ ຂອງບັນດານັກວິເຄາະ.

ທ່ານ Eduardo Araral ອາຈານສອນຢູ່ທີ່ມະຫາວິທະຍາໄລແຫ່ງຊາດຂອງສິງກະໂປ
ຈາກໂຮງຮຽນດ້ານນະໂຍບາຍ ມວນຊົນ ກ່າວວ່າ “ທ່ານ Duterte ຈະຕ້ອງຫຼິ້ນບົດບາດ
ໄປຕາມບົດເລື່ອງ. ຖ້າບໍ່ດັ່ງນັ້ນແລ້ວ ມັນກໍຈະກາຍເປັນເລື່ອງທີ່ສັບສົນ ຖ້າຫາກເພິ່ນ
ເຮັດຕາມໃຈເພິ່ນ ແບບເກົ່າ.”

ຜູ້ປະທ້ວງຄົນນຶ່ງ ຊຸກຕຳຫຼວດປາບຈະລາຈົນ ໃນຂະນະທີ່ ພວກເຂົາ ກຳລັງຂັບໄລ່ ພວກປະທ້ວງຕໍ່ຕ້ານ ການມາຢ້ຽມຢາມ ຂອງປະທານາທິບໍດີ ສະຫະລັດ ທ່ານດໍໂນລ ທຣຳ ອອກໄປ ຜູ້ທີ່ພະຍາຍາມ ຈະເຂົ້າໃກ້ ສະຖາານທູດສະຫະລັດ ປະຈຳ ຟີລິບປິນ ໃນນະຄອນຫຼວງມານີລາ, ເມື່ອວັນອາທິດ ທີ 12 ພະຈິກ2017.

ທ່ານທຣຳ ແລະ ທ່ານ Duterte ຕະຫຼອດນຶ່ງສັບປະດາ ມາເຖິງປັດຈຸບັນນີ້ ບໍ່ໄດ້ມີທັດ
ສະນະ ທີ່ແຕກຕ່າງກັນເລີຍ ລວມທັງ ການເປັນໄປໄດ້ວ່າ ສະຫະລັດ ຈະບໍ່ເຫັນດີນຳ
ການສັງຫານຮວບຮັດຕັດຕອນ ໃນການປາບປາມຕໍ່ຕ້ານການຄ້າຢາເສບຕິດ. ທ່ານ
Duterte ຍັງໄດ້ສະເໜີແນະ ຢ່າງສຸພາບວ່າ “ໄດ້ແລ້ວ ຂໍຂອບໃຈ” ຕໍ່ຂໍ້ສະເໜີ ຂອງ
ທ່ານທຣຳ ສຳລັບການໄກ່ເກ່ຍ ໃນບັນຫາຂັດແຍ່ງ ກ່ຽວກັບການອ້າງກຳມະສິດ ໃນ
ທະເລຈີນໃຕ້ຂອງຈີນ ທີ່ກ່ຽວພັນກັບ 5 ລັດຖະບານຂອງປະເທດອື່ນໆ ໂດຍປະກອບມີ
ຟີລິບປິນນຳດ້ວຍນັ້ນ.

ແຫຼ່ງຂ່າວVOA

ທ່ານ ຣາຮອຍ ເດີນທາງ ຢ້ຽມຢາມແຄວ້ນ ຄາຕາໂລເນຍ

ນາຍົກລັດຖະມົນຕີ ສະເປນ ທ່ານ ມາຣີອາໂນ ຣາຮອຍ ກ່າວຄຳຖະແຫຼງການ ຫຼັງຈາກກອງປະຊຸມຄະນະລັດຖະມົນ ຕີພິເສດ ທີ່ທຳນຽບ ມົງຄລົວ ໃນນະຄອນຫຼວງ ມາດຣິດ. 27 ຕຸລາ, 2017.

ທ່ານ ມາຣີອາໂນ ຣາຮອຍ ນາຍົກລັດຖະມົນຕີ ສະເປນ ໄດ້ໄປເຖິງແຄວ້ນ ຄາຕາໂລ
ເນຍ ໃນວັນອາທິດຜ່ານມານີ້ ອັນເປັນການຢ້ຽມຢາມຄັ້ງທຳອິດຂອງທ່ານ ນັບຕັ້ງແຕ່ລັດຖະ
ບານ ມາດຣິດ ໄດ້ບັງຄັບໃຊ້ການປົກຄອງໂດຍກົງ ຕໍ່ແຄວ້ນດັ່ງກ່າວເປັນຕົ້ນມາ.
ການຢ້ຽມຢາມເມືອງ ບາເຊໂລນາ ຂອງທ່ານໄດ້ມີຂຶ້ນນຶ່ງວັນ ລຸນຫຼັງຂະບວນການປະ
ທ້ວງຢ່າງກວ້າງຂວາງໄດ້ມີຂຶ້ນໃນເມືອງດັ່ງກ່າວ ຍ້ອນຄວາມເປັນເອກະລາດຂອງ
ແຄ້ວນ ຄາຕາໂລເນຍ ຖືກທຳລາຍ ຊຶ່ງການປະທ້ວງດັ່ງກ່າວໄດ້ຮຽກຮ້ອງໃຫ້ປ່ອຍໂຕ
ພວກຜູ້ນຳທີ່ຖືກຈັບຂັງຄຸກ ທັງໃຫ້ຮັບຮູ້ການແຍກໂຕອອກຂອງສາທາລະນະລັດ
ຄາຕາໂລເນຍ ນັ້ນນຳ.
ມີການຄາດກັນວ່າ ທ່ານ ຣາຮອຍ ຈະປາກົດໂຕໃນເມືອງ ບາເຊໂລນາ ເພື່ອໂຄສະນາ
ຫາສຽງສຳລັບພັກ ຈາຮີດນິຍົມຂອງທ່ານ ລ່ວງໜ້າການເລືອກຕັ້ງໃນຂົງເຂດໃນເດືອນ
ໜ້ານີ້.
ລັດຖະບານກາງຂອງ ສະເປນ ໄດ້ບັງຄັບໃຊ້ການປົກຄອງໂດຍກົງຕໍ່ແຄວ້ນ ຄາຕາໂລ
ເນຍທັນທີ ລຸນຫຼັງສະພາຂອງແຄວ້ນດັ່ງກ່າວລົງຄະແນນສຽງແຍກໂຕອອກເປັນເອກະ
ລາດໃນວັນທີ 2 ເດືອນຕຸລານັ້ນ.
ສະເປນ ໄດ້ຈັບກຸມພວກນັກການເມືອງຫົວແບ່ງແຍກຫຼາຍສິບຄົນ ເປັນເຫດເຮັດໃຫ້
ຜູ້ນຳອຳນາດປົກຄອງແຄວ້ນ ຄາຕາໂລເນຍ ທ່ານ ຄາເລສ ປູອິກເດີມັອນ ຕ້ອງໂຕນໜີ
ໄປປະເທດ ແບລຈຽມ.
ສະມາຊິກຂອງອຳນາດປົກຄອງເຂດແຄວ້ນທີ່ຖືກຍຸບ 8 ທ່ານ ລວມທັງນັກເຄື່ອນໄຫວ
ທີ່ມີຊື່ສຽງສອງທ່ານໄດ້ຖືກຈັບເຂົ້າຄຸກ.
ພວກທີ່ຍັງຖືກຄຸມຂັງຢູ່ ໂດຍບໍ່ໃຫ້ມີການປະກັນໂຕມີລວມທັງຮອງປະທານຜູ້ປົກຄອງ
ເຂດທ່ານ ອໍຣິໂອນ ຮຸນເກຣາສ ນຳ.

ແຫຼ່ງຂ່າວ VOA

ທ່ານ ທຣຳ ເວົ້າເຖິງ ຜົນປະໂຫຍດ ດ້ານການຄ້າ ກັບ ຫວຽດນາມ

ປະທານາທິບໍດີ ສະຫະລັດ ທ່ານ ດໍໂນລ ທຣຳ ກັບ ປະທານ ປະເທດ ຫວຽດນາມ ທ່ານ ເຈິ່ນ ດ້າຍ ກວາງ ພາກັນອອກ ຈາກບ່ອນປະຊຸມຖະແຫຼງຂ່າວທີ່ທຳນຽບປະທານາທິບໍດີ ໃນນະຄອນຫຼວງ ຮາໂນ່ຍ. 12 ພະຈິກ, 2017.

ປະທານາທິບໍດີ ດໍໂນລ ທຣຳ ກ່າວວ່າ ທ່ານກຳລັງຊອກຫາການຄ້າສອງທາງ ກັບ
ຫວຽດນາມ ທີ່ຈະໃຫ້ຜົນປະໂຫຍດແກ່ທັງສອງປະເທດ.

ຫຼັງຈາກການປະຊຸມກັບປະທານປະເທດ ຫວຽດນາມ ທ່ານ ເຈິ່ນ ດ້າຍ ກວາງ ໃນນະ
ຄອນຫຼວງ ຮ່າໂນ່ຍ ໃນວັນອາທິດຜ່ານມານີ້ ທ່ານ ທຣຳ ກໍໄດ້ກ່າວ ໃນກອງປະຊຸມຖະ
ແຫຼງຂ່າວຮ່ວມວ່າ, “ເພື່ອທີ່ຈະເຮັດໃຫ້ການຄ້າດຳເນີນການໄດ້, ທຸກປະເທດຕ້ອງປະ
ຕິບັດຕາມກົດລະບຽບ. ຂ້າພະເຈົ້າມີຄວາມໝັ້ນໃຈວ່າ, ເມື່ອບໍ່ດົນມານີ້ ຫວຽດນາມ
ໄດ້ກາຍເປັນຕະຫຼາດສົ່ງອອກທີ່ເຕີບໂຕຢ່າງວ່ອງໄວສຳລັບສະຫະລັດ. ທ່ານປະທານ
ປະເທດ, ຂ້າພະເຈົ້າຂໍຍົກຍ້ອງຄວາມພະຍາຍາມຂອງທ່ານ ທີ່ໄດ້ປະຕິບັດການປະຕິ
ຮູບເສດຖະກິດ ແລະ ຂະຫຍາຍການຄ້າ ແລະ ການລົງທຶນຮອບດ້ານຂອງ ຫວຽດນາມ. ສະຫະລັດ ມີຄວາມກະຕືລືລົ້ນ ກ່ຽວກັບ ການປະຕິຮູບ ທີ່ສົ່ງເສີມຄວາມຮັ່ງມີທາງເສດ
ຖະກິດ ສຳລັບປະຊົນ ຫວຽດນາມ ທຸກຄົນ.”

ທ່ານໄດ້ກ່າວເພີ່ມເຕີມວ່າ “ພວກເຮົາພຽງແຕ່ໄດ້ປຶກສາຫາລື ກ່ຽວກັບ ສິນຄ້າ ແລະ
ການບໍລິການທີ່ໄດ້ເຂົ້າມາໃນ ຫວຽດນາມ. ໃນທຳນອງດຽວກັນ, ຂ້າພະເຈົ້າໝັ້ນໃຈ
ວ່າ ພະລັງງານ, ກະສິກຳ, ການບໍລິການດ້ານການເງິນ, ການບິນ, ການຄ້າດິຈິຕອລ,
ແລະ ຜະລິດຕະພັນປ້ອງກັນປະເທດ ສະຫະລັດ ຈະປະສົບກັບທຸກໆຄວາມຕ້ອງການ
ດ້ານການຄ້າຫຼາຍຢ່າງຂອງພວກທ່ານ. ແລະ ແທ້ຈິງແລ້ວ, ມັນບໍ່ພຽງແຕ່ຈະບັນລຸ
ຄວາມຕ້ອງການເທົ່ານັ້ນ ແຕ່ສິ່ງທີ່ພວກເຮົາເຮັດແມ່ນດີກວ່າໝົດທຸກຄົນ.”

ໃນການເວົ້າຜ່ານນາຍພາສານັ້ນ, ທ່ານ ກວາງ ໄດ້ອະທິບາຍເຖິງການປະຊຸມກັບທ່ານ
ທຣຳ ວ່າມີຜົນດີ, ໂດຍກ່າວວ່າ “ການເດີນທາງຢ້ຽມຢາມ ຫວຽດນາມ ຢ່າງເປັນທາງ
ການຂອງປະທານາທິ ບໍດີ ເປັນຂີດໝາຍທີ່ສຳຄັນໃນສາຍພົວພັນ ລະຫວ່າງ ຫວຽດ
ນາມ ກັບ ສະຫະລັດ, ສ້າງກຳລັງໃຈທີ່ເຂັ້ມແຂງສຳລັບການເປັນຄູ່ຮ່ວມງານທີ່ແທ້ຈິງ,
ມີປະສິດທິຜົນ ແລະ ການພັດທະນາຢ່າງໝັ້ນຄົງ ກ່ຽວກັບ ສອງຝ່າຍ ແລະ ການເປັນ
ຄູ່ຮ່ວມງານຮອບດ້ານ.

ທັງສອງທ່ານຍັງໄດ້ປຶກສາຫາລື ກ່ຽວກັບ ບັນຫາ ເກົາຫຼີເໜືອ ແລະ ທະເລຈີນໃຕ້ນຳ.

ທ່ານ ທຣຳ ໄດ້ກ່າວຢໍ້າ ຄຳເຕືອນຂອງທ່ານວ່າ ເກົາຫຼີເໜືອ ເປັນຕົວແທນໄພຂົ່ມຂູ່ຕໍ່
ຄວາມສະຫງົບ ແລະ ຄວາມໝັ້ນຄົງໃນພາກພື້ນ.

ແຫຼ່ງຂ່າວ VOA